ប្រេស៊ីលយកឈ្នះបេរ៉ូ លើកពាន Copa America លើកទី៩ ហើយប្រមូលពាន​ នៅក្នុងពានរង្វាន់នេះគ្មានសល់ ក្រុមបាល់ទាត់ជម្រើសជាតិប្រេស៊ីល បានលើកពានរង្វាន់ Copa America ហើយ ក្រោយពីយកឈ្នះលើក្រុមប៉េរ៉ូ ៣-១ ក្នុងការប្រកួតវគ្គផ្ដាច់ព្រ័ត្រនៅលើទឹកដីរបស់ខ្លួន។ ការប្រកួតផ្ដាច់ព្រ័ត្រនេះ ធ្វើបានយ៉ាងល្អ ពោលគឺពួកគេរកគ្រាប់បាល់បានដល់ទៅ​ ០៣គ្រាប់ និងធ្លាយតែ​ ០១គ្រាប់​ វិញប៉ុណ្ណោះ។ ០៣គ្រាប់​ ក្នុងការប្រកួតសំខាន់នេះធ្វើបានដោយ Everton ០១​គ្រាប់​ នៅនាទី១៥ Jesus ០១គ្រាប់នៅនាទី៤៥+៣ និង Richarlison ០១គ្រាប់​ នៅនាទី៩០។

នេះជាការលើកពានរង្វាន់ Copa America ជាថ្មី ក្រោយពីខកខានតាំងពីឆ្នាំ២០០៧​ មករបស់ក្រុមប្រេស៊ីល។ មិនតែប៉ុណ្ណោះ ពានរង្វាន់ទាំងអស់ដែលមាននៅក្នុង Copa America គឺ ប្រេស៊ីលយកបានទាំងអស់ដែលក្នុងនោះរួមមាន ៖

-​ កីឡាករល្អបំផុត​ បានទៅលើកីឡាករ Dani Alves

-​ អ្នកចាំទីល្អបំផុត​ បានទៅលើកីឡាករ Alisson Becker 

-​ កីឡាករស៊ុតចូលច្រើនជាងគេ​ បានទៅលើកីឡាករ Everton Soares

-​ ម្ចាស់ជើងឯក Copa America គឺជាក្រុមជម្រើសជាតិប្រេស៊ីល

-​ ក្រុមលេងស្លូត (Fair Play) បានលើប្រេស៊ីល

 

ដូច្នេះ​ បានសេចក្តីថា​ ម្ចាស់ផ្ទះប្រេស៊ីល ប្រមូលខ្ទេចគ្មានសល់​ សូម្បីតែមួយពាន៕​ ដោយ៖ សសអក