Coivid-19 បានសម្លាប់មនុស្សអស់ប្រមាណជិត ១ម៉ឺននាក់ និងឆ្លង​ ប្រមាណជិត ៦៤ម៉ឺននាក់​ ក្នុងរយៈពេល ២៤ម៉ោងចុងក្រោយ គិតត្រឹមថ្ងៃសុក្រ ទី១៣ ខែវិច្ឆិកានេះ Worldometer បានចុះផ្សាយថា វីរុស Coivid-19 បានសម្លាប់មនុស្សអស់ប្រមាណជិត ១ម៉ឺននាក់ ក្នុងមួយថ្ងៃ គឺចំនួន ៩,៥៩៣នាក់ ហើយវីរុសនេះបានឆ្លងទៅមនុស្សថ្មីប្រមាណជិត ៦៤ម៉ឺននាក់ គឺចំនួន ៦៣៨,៤៥៤នាក់ នៅទូទាំងពិភពលោក ក្នុងរយៈពេល ២៤ម៉ោងចុងក្រោយ គិតត្រឹមថ្ងៃសុក្រ ទី១៣ ខែវិច្ឆិកា ឆ្នាំ២០២០នេះ។ ក្នុងរយៈពេល ២៤ម៉ោងចុងក្រោយនេះដែរ សហរដ្ឋអាមេរិកជាប់លេខ១ នៅលើពិភពលោក ដែលមានមនុស្សស្លាប់ប្រចាំថ្ងៃ និងឆ្លងប្រចាំថ្ងៃនៃវីរុស Covid-19 ច្រើនជាងគេ គឺមានមនុស្សស្លាប់ថ្មីចំនួន ១,១១៧នាក់ និងមានមនុស្សឆ្លងថ្មីចំនួន ១៥៧,៣៤៣នាក់។

សូមបញ្ជាក់ជូនថា កំណើនមនុស្សឆ្លងវីរុស Covid-19 សរុបនៅទូទាំងពិភពលោក បានកើនឡើងដល់ ៥៣,០៦៩,៩៣០នាក់ និងមនុស្សស្លាប់សរុបបានកើនឡើងដល់ ១,២៩៨,៥២៣នាក់ ខណៈដែលមនុស្សជាសះស្បើយសរុប បានកើនឡើងដល់ ៣៧,១៨៦,៦៨៥នាក់៕