សមត្ថកិច្ចបង្ក្រាបរថយន្តដឹកឈើធន់ធំមួយគ្រឿង ដែលបង្កប់ឈើ ចំនួន ០៤សន្លឹក នៅស្រុកសំឡូត ខេត្តបាត់ដំបង បាត់ដំបង ៖ កាលពីថ្ងៃទី១០ ខែមិថុនា ឆ្នាំ២០២៤ កម្លាំងមន្រ្តីឧទ្យានុរក្សប្រចាំការស្នាក់ការច្រកចង្អៀត បានសហការជាមួយកម្លាំងសម្ថតកិច្ចប្រចាំការស្នាក់ការថ្មដា សហការណ៍ជាមួយកម្លាំងអង្គការសម្ព័ន្ធមិត្តសត្វព្រៃ(W.A) ប្រចាំស្នាក់ការល្បាតច្រកចង្អៀត បានធ្វើការដេញបង្រ្កាបរថយន្តចំនួន ០១គ្រឿង ដែលមានទិសដៅឆ្ពោះពីខេត្តពោធិ៍សាត់ និងបន្តដំណើរឆ្លងកាត់ស្នាក់ការរងច្រកចង្អៀត កម្លាំងមន្រ្តីឧទ្យានុរក្ស បានធ្វើការឃាត់ទុករថយន្តសណ្ដោងធន់ធំចំនួន ០១គ្រឿង នៅត្រង់ចំណុចភូមិសាស្រ្ត មុខស្នាក់ការច្រកចង្អៀត និយាមកា 0289169-1388894 ស្ថិតក្នុងភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង។ ជាក់ស្ដែងក្រុមល្បាត បានត្រួតពិនិត្យមើលករណីរថយន្តសណ្ដោងធន់ធំ បានបង្កប់ឈើ ចំនួន ០៤សន្លឹក រួចកម្លាំងសម្ថតកិច្ចយើងបានធ្វើការដកហូតវត្ថុតាងរួមមាន ៖ រថយន្តសណ្ដោងធន់ធំចំនួន 01គ្រឿង ម៉ាក(យីហ្វាន់ដាយ)ពណ៌ខៀវ កម្លាំង 310 ពាក់ស្លាកលេខខាងមុខ(ត្បូងឃ្មុំ 3A-3400 និងខាងក្រោយ(ព្រះសីហនុ 4A-2829 និងដឹកឈើប្រភេទស្ពង់ចំនួន ០៤សន្លឹក ៖

-0,30x1,30x5,00x1=1,95ម៉ែត្រគូប

-0,30x1,30x9,00x1=3,51ម៉ែត្រគូប

-0,30x1,50x9,00x1=4,05ម៉ែត្រគូប

-0,30x1,60x9,00x1=4,32ម៉ែត្រគូប។ សរុបមុខឈើទាំងអស់ចំនួន ០៤សន្លឹក ស្មើនិង ១៣,៨៣ម៉ែត្រគូប (វត្ថុខាងលើ ត្រូវបានរក្សាទុកនៅទីស្នាក់ការរងច្រកចង្អៀត) ៕