cdpdaily.com ...

ប្រមុខការពារជាតិ អំពាវនាវដល់កងទ័ពទាំងអស់ ត្រូវទប់ស្កាត់ឲ្យបាន ចំពោះបច្ចាមិត្តទាំងខាងក្នុង និងខាងក្រៅ ជាថ្មីម្តងទៀត ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានធ្វើការអំពាវនាវដល់កងទ័ពទាំងអស់ ត្រូវតែរួមគ្នាថែរក្សាសុខសន្តិភាព និងការអភិវឌ្ឍន៍ ដែលកំពុងមានសព្វថ្ងៃនេះ ហើយត្រូវទប់ស្កាត់ឲ្យបានរាល់បច្ចាមិត្តទាំងខាងក្នុង និងខាងក្រៅ ដែលមានចេតនាញុះញង់ ឲ្យប្រទេសជាតិ មានភាពវឹកវរដោយកត្តាណាមួយនោះ។ ការអំពាវនាវរបស់ប្រមុខការពារជាតិរូបនេះ គឺបានធ្វើឡើងនៅក្នុងកម្មវិធីចូលរួម ជាអធិបតីសម្ពោធបន្ទាយថ្មីរបស់កងឯកភាព កងកិត្តិយស ត្រែទ័ព ដែលស្ថិតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ នាព្រឹកថ្ងៃទី៣ ខែកញ្ញា ឆ្នាំ២០១៩នេះ ដោយមានមន្ត្រីយោធាជាន់ខ្ពស់ជាច្រើនចូលរួម។ សម្តេចពិជ័យសេនា ទៀ បាញ់ បានលើកឡើងថា សន្តិភាព និងការអភិវឌ្ឍន៍ វាមិនងាយរកបានដោយស្រួលនោះទេ ដូច្នេះក្នុងនាមយើងជាកងទ័ព ត្រូវតែថែរក្សាឲ្យបាននូវសុខសន្តិភាព ដែលកំពុងមានសព្វថ្ងៃនេះ ហើយមិនត្រូវបណ្តែតបណ្តោយឲ្យជនអគតិ ឬក្រុមប្រឆាំងធ្វើអ្វី ស្រេចតែចិត្តក្នុងគោលបំណងញុះញង់ឲ្យប្រទេសជាតិ មានភាពវឹកវរនោះឡើយ ហើយដាច់ខាតត្រូវតែកម្ចាត់ចោលភ្លាមប្រសិនបើមានតម្រុយណាមួយ ដែលចង់ប្រមូលផ្តុំគ្នាបង្ករភាពវឹកវរ និងធ្វើឲ្យសង្គមជាតិទាំងមូលបែកបាក់សាមគ្គីគ្នានោះ។ សម្តេចពិជ័យសេនា ទៀ បាញ់ បានសង្កត់ធ្ងន់ថា«យើងជាកងទ័ពត្រូវតែការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ដែលកើតចេញ ពីការបោះឆ្នោតរបស់ប្រជាពលរដ្ឋ និងប្រឆាំងដាច់ខាតនូវបដិវត្តន៍ពណ៌ ហើយមិនត្រូវស្តាប់តាមការញុះញង់របស់ក្រុមប្រឆាំង ដែលបានឃោសនាឲ្យកងទ័ពប្រឆាំងនឹងរាជរដ្ឋាភិបាលស្របច្បាប់នោះឡើយ»។ យ៉ាងណាក៏ដោយ នៅក្នុងកម្មវិធីសម្ពោធនោះ សម្តេចពិជ័យសេនា ទៀ បាញ់ ក៏បានថ្លែងកោតសរសើរចំពោះវីរភាពរបស់កងទ័ពទាំងអស់ដែលបានខិតខំ និងបូជាសាច់ស្រស់ឈាមស្រស់ ដើម្បីបុព្វហេតុជាតិ នាពេលកន្លងមកផងដែរ។ ដោយសម្តេចលើកឡើងថា ប្រសិនបើគ្មានការបូជាសាច់ស្រស់ឈាមស្រស់របស់កងកម្លាំងទាហាន នាពេលកន្លងមកទេ ក៏វាមិនមានសន្តិភាពនិងការអភិវឌ្ឍរហូតដល់សព្វថ្ងៃនេះដែរ៕

ប្រមុខការពារជាតិ អំពាវនាវដល់កងទ័ពទាំងអស់ ត្រូវទប់ស្កាត់ឲ្យបាន ចំពោះបច្ចាមិត្តទាំងខាងក្នុង និងខាងក្រៅ ជាថ្មីម្តងទៀត

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានធ្វើការអំពាវនាវដល់កងទ័ពទាំងអស់ ត្រូវតែរួមគ្នាថែរក្សាសុខសន្តិភាព និងការអភិវឌ្ឍន៍ ដែលកំពុងមានសព្វថ្ងៃនេះ ហើយត្រូវទប់ស្កាត់ឲ្យបានរាល់បច្ចាមិត្តទាំងខាងក្នុង និងខាងក្រៅ ដែលមានចេតនាញុះញង់ ឲ្យប្រទេសជាតិ មានភាពវឹកវរដោយកត្តាណាមួយនោះ។ ការអំពាវនាវរបស់ប្រមុខការពារជាតិរូបនេះ គឺបានធ្វើឡើងនៅក្នុងកម្មវិធីចូលរួម ជាអធិបតីសម្ពោធបន្ទាយថ្មីរបស់កងឯកភាព កងកិត្តិយស ត្រែទ័ព ដែលស្ថិតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ នាព្រឹកថ្ងៃទី៣ ខែកញ្ញា ឆ្នាំ២០១៩នេះ ដោយមានមន្ត្រីយោធាជាន់ខ្ពស់ជាច្រើនចូលរួម។

សម្តេចពិជ័យសេនា ទៀ បាញ់ បានលើកឡើងថា សន្តិភាព និងការអភិវឌ្ឍន៍ វាមិនងាយរកបានដោយស្រួលនោះទេ ដូច្នេះក្នុងនាមយើងជាកងទ័ព ត្រូវតែថែរក្សាឲ្យបាននូវសុខសន្តិភាព ដែលកំពុងមានសព្វថ្ងៃនេះ ហើយមិនត្រូវបណ្តែតបណ្តោយឲ្យជនអគតិ ឬក្រុមប្រឆាំងធ្វើអ្វី ស្រេចតែចិត្តក្នុងគោលបំណងញុះញង់ឲ្យប្រទេសជាតិ មានភាពវឹកវរនោះឡើយ ហើយដាច់ខាតត្រូវតែកម្ចាត់ចោលភ្លាមប្រសិនបើមានតម្រុយណាមួយ ដែលចង់ប្រមូលផ្តុំគ្នាបង្ករភាពវឹកវរ និងធ្វើឲ្យសង្គមជាតិទាំងមូលបែកបាក់សាមគ្គីគ្នានោះ។

សម្តេចពិជ័យសេនា ទៀ បាញ់ បានសង្កត់ធ្ងន់ថា«យើងជាកងទ័ពត្រូវតែការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ដែលកើតចេញ ពីការបោះឆ្នោតរបស់ប្រជាពលរដ្ឋ និងប្រឆាំងដាច់ខាតនូវបដិវត្តន៍ពណ៌ ហើយមិនត្រូវស្តាប់តាមការញុះញង់របស់ក្រុមប្រឆាំង ដែលបានឃោសនាឲ្យកងទ័ពប្រឆាំងនឹងរាជរដ្ឋាភិបាលស្របច្បាប់នោះឡើយ»។

យ៉ាងណាក៏ដោយ នៅក្នុងកម្មវិធីសម្ពោធនោះ សម្តេចពិជ័យសេនា ទៀ បាញ់ ក៏បានថ្លែងកោតសរសើរចំពោះវីរភាពរបស់កងទ័ពទាំងអស់ដែលបានខិតខំ និងបូជាសាច់ស្រស់ឈាមស្រស់ ដើម្បីបុព្វហេតុជាតិ នាពេលកន្លងមកផងដែរ។ ដោយសម្តេចលើកឡើងថា ប្រសិនបើគ្មានការបូជាសាច់ស្រស់ឈាមស្រស់របស់កងកម្លាំងទាហាន នាពេលកន្លងមកទេ ក៏វាមិនមានសន្តិភាពនិងការអភិវឌ្ឍរហូតដល់សព្វថ្ងៃនេះដែរ៕

MSR SPORT